إن غاب وجهك

وإن غـــاب وجـــــهك بــقا بالقلب تذكارك

ولـــو ان مـــن غيبــــتك ما نسمع اخبارك

كان العشــم في غـــيابك تـــذكر احبابـــك

يا هـــــيه وإنــسا المحــــبه وإسأل بجارك

عامـــين في ديـــرتي والقــلب مســــتانس

لا أشتــقت شــــوفة عـــيونك آجي لدارك

أســوق رجـــلي وأعـــــجل في خطاويها

وإن جــيت بابــك ما إحس إلا وأنا بارك

أحــمل ورود الـــغلا وأقرب من الشرفه

وإن ما لقيــتك أرتبـــها على أســــوارك

بــرقع عيــونك عـــباة الــــــورد شالتها

سلســال جيــدك خـــواتم يــدك إسوارك

حـــنا الأصــــــابع حكايتـــها مع إيديني

الـــــشرفه اللــــي عليها تسقي أزهارك

عـــطر الــمسا والــسوالف وآخر أشعار

لــهفة عــيونك عـــلي ودفــــتر أشعارك

شـــباك حلــمي ســياجه بابــك الخـــلفي

ظــو الـــمكان اللــذي ينهل من أنوارك

وأشــياء تــذكر وأشـــيا لازم أنــــساها

بعيــش مثـــلك وأبكــوي قلبك فــــنارك

عطـــني دقيــــقه..بسولفلك عن أحلامي

من يـــوم شــفتك هــناك وقلـبي إختارك

ولا الصـــراحه وكــاد إنك صـــــدفتيني

آســر قـــلوب الجمــيع وزاد إصــرارك

جيــتي وكــلك ولــه الشــوق قــــدامــك

أبطيت لكـــن خســاره جيت مشـــوارك

كـــبرت قــــــدرك ولا صغرتي فقدري

كـــنتي صغـــيره وأنا علـــيت مقدارك

شـــفت بعـــيونك حــياتي وأكبر أحلامي

ثم شـــفت نــفسي حياتك وأكبر أسرارك

أشـــري رظــــــاك بغلاتك وإن تزعلني

أكــبح جـــنوني عــشانك وأقبل أعذارك

جيـــتك وكـــلي ألــم والــهم يجـــــلدني

مـــليت أدور علـــــيه فـــيك وأحـتارك

من يوم ما أقفت عيونك ما غفت عيني

حسبي على اللي خذاكي وأبعد ديــارك

واليوم دامــك رظيــتي عيشــته عيشي

الله يتمــــم عليــــكم والله يــــــــــبارك

بس العشم في غيابك تـــذكر أحبـــابك

أقــول وإنـــسى المحبه وإسأل بجارك