يا هاجسي

يـــا هــــــاجسي مـــــاني بـــــدورّ رِيـــــــاده

لا جـــــيت أعــــدّ الـــــقاف بِــــــينَ المزايين

ولا انــــتْ يا شــــــعري تِجـــيك الإشـــــاده

فـــــي كــــل مــــوقف لــــك عَـوايِد وتمكين

تــــــرقى بــــــذوق الــــــناس حـــدّ السعاده

وتحطــــني ما بينــــهم بـــين قـــــوســــــين

إن جيتــــني مــــــــن ذوق ولا قـــــــــراده

أســــحر هلَ العـــــقول قــــبل المـــــجانين

يا كيـــف أبـــرظى والشّـــــعِر صار عاده

صــــار الخِــــبل يا نـــــاس يطبع دواوين

تتــــلف ولا تـــــلقى لـــــها من إفـــــــاده

كـــــنّ الشّــــعر يصـــرخ ينادي أنا ويــن

مــــالي بـــــهم لــــكن بقــــدّم شَـــــــهاده

يـــا جعلهم لـــــو جاعوا أكلوا من الطـين

أمـــا الهَـــنوف اللي حـــــلاها زيـــــاده

اللي أغرست باظلاع صَدري سكـــاكين

حســــبي عليــــها بِستـــها بالعـــــــماده

مـــــن بستــــها قـــامت وسبّت ليَ الدّين

يـــا جِعلني فـِـــدوا لتــــلك القــــــــلاده

تَغفى على المشمش وتَصحى على التين

لــــــــيل الشـــــعر لا ارخى عليها سواده

تــــزهى ويـــــحتار القـــمر بين ليلـــين

مــــالي عليـــها يا خـــــفوقي جـــــلاده

فــــي ذمــــتي مــــن زِينـــها ما به ثنين

مــــن باب بســــميه شــــــــحن الإراده

حطّيتــَـها ســـــوبر عــلى خطيَ الزين!!

يــــــالرنج الأبيــــظ تستـــــحق السـياده

الله كــــريم وبــــركبك بـــــعد عــــامين

وتشــــوف مـــــني من فُنــــــون القِياده

شـــــيٍّ جـــــديدٍ ما خــــبرته إلا الحـين

بـــــك ذوق وإتـــقان وحَــــلاه وإجـــاده

بــــك فـــن يسحرني فديتك وش الـزين؟

الــــرّنج الأبـــيظ حِـــلم عـــمري مراده

فــــديته بــــنوره وأســــــما ونـــــسرين

أنـــــا عـَــــمود الشــــعر وأنا عْـــــمَاده

شيـــطان شعر الناس...ومـــالي شياطين

لا صـــــار قَــــــدح زنـــــاد أنا زنــــاده

وإن صـــــار فَــتل أشناب ليلٍ على عين

من مَــــــدخل اليـَــــــرموك لين العماده

ســــطّرتــــها ما بين ربـْـــع ومِحبــّــين

قصــــة غـــياب اللي مـــــطوّل بـــعاده

ما غــــير طيــــفه لو مرقــــني يســـلين

ما غــــــير ذيك المَـــــحرمه والـوساده

وأشــكي عليــــهم ظيقــــتي قبل عامين

الــــعام كــــنّا والســـــــعاده ســــــعاده

والــــيوم كــــنّا..لــــكن إنا غـــريبـــين

الــــيوم غــــيري يحـــتري بك مْــراده

الله وكيـــلك وأنــــتي اللـــي تـْـــعرفين

مـــــاني بمن يرقِد وظِيــــــمه قـــــياده

لا بالحــــرام إلا بعيــــنك تشـــــــوفين

لا جـــــيت أســــوّي للـــمشاعر إعـاده

أرتب الأفــــراح وأنـــــــتي تظـــــــلين

حـــــزنٍ حــــداني وأكـــتب اللي مـفاده

مــــا غــــير طيـــفك لــو مرقني يسلين